Elizabeth Jane Hurley, umukinnyi wa filime w’icyamamare akaba n’umunyamideli, wamenyekanye cyane muri filime nka Austin Powers: International Man of Mystery aho yakinnye yitwa Vanessa Kensington ndetse no muri Bedazzled aho yakinnye yitwa Devil, yagaragaye mu mwambaro wa bikini w’ubwiza budasanzwe atigisa imbuga nkoranyambaga.
Uyu munyamideli Elizabeth Jane Hurley w’imyaka 60 yashimangiye ubwiza bwe budasanzwe ubwo yagaragaraga yambaye bikini itukura ya Blaze, imwe mu myambaro ye yo ku mazi. Agaragara yambaye akenda k’imbere gafite insinga za zahabu zigaragaza igice kinini cy’umubiri we. Yari yajyanishije dore ko yari yambaye ishati ndende y’umutuku n’isutiye y’umutuku.
Mu mafoto atandukanye, Hurley yagaragaje ko yari yiteguye kurya ubuzima ku mucanga, aho yibanze ku kwambara imyenda igaragaza ibice by’umubiri we, ubona aberewe cyane kandi atemba itoto ku mubiri. Agaragara ameze nk’umwali w’imyaka 25 y’amavuko, mu gihe ari umubyeyi w’imyaka 60 y’amavuko kuko yavutse tariki ya 10 Kamena 1965.
Elizabeth Jane Hurley yasangije aya mafoto abamukurikira kuri Instagram, ati: “Happy Tuesday” [akurikizaho emoji z’imitima, maze umukunzi we, Billy Ray Cyrus, agaragaza ibyishimo byinshi, ashyiraho imitima itatu itukura mu gice cy’ahatangirwa ibitekerezo.
Abakunzi be benshi bemeje ko itoto ry’umubiri we ridashoboka ku muntu w’imyaka 60. “Uri mwiza cyane, ubwiza nk’ubu buri gihe, ni gute uyu mugore w’akataraboneka ashobora kuba afite imyaka 60!, ntibyigeze bibaho ku muntu w’imyaka 60..” Ni ko bamwe mu bakunzi be banditse ahatangirwa ibitekerezo ku mafoto yari amaze kubasangiza.
Mu kwezi gushize, Elizabeth Hurley nabwo yagaragaye yambaye bikini asangiza abafana be ibanga ryo kugaragara neza mu mafoto ya bikini, akaba yaravuze ko ibanga rimufasha ari ugukora imyitozo yo kwagura umubiri no guhagarara cyangwa kuryama mu buryo bwiza.
Muri Nyakanga, yatanze indi nama ku mafoto ye meza amugaragaza atemba itoto, ubwo yari yambaye bikini y’iroza rya toffee, agira ati: “Irinde izuba ryaka hejuru. Mu gufata amafoto ya bikini, izuba riva cyangwa rirenga ni inshuti zawe nziza”.
Hurley kandi yagaragaye ku mucanga muri Gisurasi yambaye bikini itukura, nyuma yo gutangaza urukundo rwe rutunguranye n’umuhanzi w’icyamamare Billy Ray Cyrus, w’imyaka 64, mu kwezi kwa Mata. Yagize ati: “Byari ibyumweru byiza mu biruhuko byiza muri Maldives, ariko dore bimwe mu byishimo byanjye.”
About the Author
