Umuyobozi w’Ikirenga w’Igihugu cya Qatar (the Emir of Qatar) yaba azagirira uruzinduko rw’iminsi ibiri mu Rwanda mu cyumweru gitaha nyuma kerekeza mu gihugu cya Repubulika Iharanira Demokarasi ya Congo (RDC).
Amakuru agera kuri Bwiza.com , yemeza ko umwami wa Qatar agiye kugirira uruzinduko mu Rwanda mu cyumweru gitaha tariki ya 18 Ugushyingo 2025, akazahava ahita yerekeza muri Repubulika iharanira Demokarasi ya Congo (RDC) aho azagirira ibiganiro n’abakuru b’ibihugu byombi.
Emir wa Qatar yaherukaga guhuza Perezida w’u Rwanda, Paul Kagame na Felix Tshisekedi wa Repubulika Iharanira Demokarasi ya Congo, mu biganiro bigamije guhosha umwuka mubi umaze igihe hagati y’ibihugu byombi tariki ya 18 Werurwe 2025. Kugeza ubu abakurikirana ibibera mu karere bemeza ko n’ubundi ikigenza uyu muyobozi w’ikirenga ari ku makimbirane ibihugu byombi bimaranye.
Umuyobozi w’Ikirenga w’Igihugu cya Qatar (the Emir of Qatar) yarukaga mu Rwanda mu ruzinduko rw’akazi rw’iminsi itatu yagize tariki ya 21 Mata 2019 . Ubwo yageraga mu Rwanda ku kibuga mpuzamahanga cy’indege cya Kigali i Kanombe, yakiriwe na Perezida w’u Rwanda, Paul Kagame.
About the Author
