Umutoza w’Ikipe y’Igihugu “Amavubi”, Adel Amrouche, yahamagaye abakinnyi bazitabira umwiherero uteganyijwe muri iki cyumweru barimo umunyezamu Kwizera Olivier.
Ni urutonde rw’abakinnyi 25 rwashyizwe hanze n’Ishyirahamwe ry’Umupira w’Amaguru mu Rwanda (FERWAFA), kuri uyu wa Kabiri, tariki ya 11 Ugushyingo 2025.
Mu banyezamu batatu bahamagawe kugira ngo bitabire uyu mwiherero wa tekinike mu Ikipe y’Igihugu y’u Rwanda, harimo Kwizera Olivier waherukaga guhamagarwa muri Kamena 2022.
Uyu munyezamu utari ufite ikipe akinira kugeza ubu, ari kumwe na bagenzi be ari bo Ishimwe Pierre na Niyongira Patience. Ba myugariro ni Niyigena Clement, Nshimiyimana Yunus, Ishimwe Abdul, Mutijima Gilbert, Niyomugabo Claude, Ishimwe Christian, Byiringiro Jean Gilbert na Ntwari Assuman.
Abakinnyi bo mu kibuga hagati ni Nisingizwe Christian, Ntirushwa Aime, Ruboneka Jean Bosco, Kwitonda Alain, Niyo David, Nsanzimfura Keddy, Twizeyimana Innocent na Uwizeyimana Daniel.
Ba rutahizamu ni Mugisha Gilbert, Mugisha Didier, Uwineza Rene, Ishimwe Djabilu, Sindi Jesus Paul na Rudasingwa Prince.
Amavubi yahamagawe ni ay’abakinnyi bakina imbere mu gihugu, aho kuva tariki ya 12-16 Ugushyingo bazamara mu mwihrero, bashobora gukina umukino wa gicuti na Al-Hilal S.C. yo muri Sudani iri kwitegura CAF Champions League.
About the Author
