Umukinnyi w’ikipe ya Liverpool n’ikipe y’igihugu ya Portugal Diogo Jota yapfiriye mu mpanuka y’imodoka mu gace ka Zamora mu majyaruguru ya Espagne nk’uko Guardia Civil – urwego rushinzwe umutekano muri icyo gihugu rwabibwiye BBC News.
Umuvandimwe we, Andre Filipe, na we yapfiriye muri iyi mpanuka yabaye mu ijoro ryo ku wa gatatu.
Imodoka ya Lamborghini ya Jota bari barimo, yataye umuhanda kubera guturika ipine ubwo yariho ica ku yindi, nk’uko Guardia Civil yabitangaje.
Aho iyo modoka yaguye yahise ifatwa n’inkongi y’umuriro, bombi nyuma byemejwe ko bapfiriyemo.
